Monthly Archives: January 2018

Bullettin 28 ta’ Jannar 2018

Ir-4 Ħadd Matul is-Sena

L-IMXAJTAN U L-KELMA SETGĦANA

Fil-ġrajja tagħna ta’ kuljum ħafna drabi nħossuna mitlufin anki fl-istess fidi tagħna.  Inkunu nemmnu … iżda m’aħniex nemmnu biżżejjed.

Ħafna drabi nibdew nissuspettaw fl-istess fidi tagħna.  Qed nitlob għall-paċi u tfaqqa’ l-gwerra; qed nitlob għall-fejqan u nibqa’ marid… iżda fejn qed imur it-talb tiegħi?  It-talb tagħna jkun talb ħerqan lejn dak Ġesù li għandu s-setgħa u l-qawwa fl-istess kelma tiegħu.  Kemm hawn fostna li jippruvaw jaraw li jitolbu l-ħin kollu u mbagħad ikunu ferm ’il bogħod mill-Iskrittura Mqaddsa?  Hemm bżonn urġenti li nkunu nafu ħafna dwar l-Iskrittura Mqaddsa b’mod speċjali l-kliem ta’ Kristu, għax dan l-istess kliem għandu jkun għalina l-qawwa, tama, faraġ, kuraġġ kontra l-imxajtnin ta’ ġo fina u ta’ madwarna.  Kulħadd kien jibqa’ mistagħġeb meta jitkellem Ġesù.  Illum għadna nkunu mistagħġba bil-kliem ta’ Kristu li qed jitwassal lilna mill-Knisja?  Għadna nemmnu meta nisimgħu l-kliem ta’ Kristu, jew aħna biss ossessjonati f’talb li ħafna drabi joħroġ fil-beraħ l-egoiżmu sfrenat tagħna?

Il-kliem ta’ Kristu jgħinna naċċettaw kull sitwazzjoni fil-ħajja tagħna… għaliex m’aħniex naċċettawH u ngħixuH?

Il-Vanġelu ta’ San Mark jurina kif in-nies ta’ Kafarnahum baqgħu mistagħġba bil-qawwa u s-setgħa fil-kliem ta’ Ġesù.

  • Ir-reazzjoni tagħna għax-xitan qed tkun il-Kelma t’Alla?
  • Kemm nemmnu fil-qawwa tal-Kelma t’Alla?
  • Kemm għamilna deċiżjonijiet żbaljati għax ma afdajniex lil Alla u afdajna fi ħlejjaq inferjuri?
  • Qed nitolbuH ineħħi minna l-Ispirti mniġġsa ta’ tant vizzji u ħażen li jakkumulaw fina tul ħajjitna?

Mulej, il-Kelma tiegħek tagħtini l-ħajja!

JUM IĊ-ĊENTRU PARROKKJALI

Il-Ħadd 28 ta’ Jannar infakkru jum iċ-Ċentru Parrokkjali.

Nieħdu din l-okkażjoni biex nirringrazzjaw lil dawk kollha li jgħinu f’tant attivitajiet li jsiru fiċ-ċentru. Hija opra ħajja u mportanti fil-ħidma pastorali tal-parroċċa. Il-Mulej ibierek kull ħidma li ssir u Ommna Maria Lawretana, li lilha huwa ddedikat iċ-Ċentru tagħna, tħarisna bħala wliedha għeżież.

Fih Ngħixu, Nitħarrku u Aħna 

Atti 17, 2

FESTA TAL-KANDLORA –

IL-PREŻENTAZZJONI TAL-MULEJ FIT-TEMPJU

Nhar il-Ġimgħa li ġejja, 2 ta’ Frar, barra li hija l-Ewwel Ġimgħa tax-xahar, taħbat ukoll il-Festa tal-Preżentazzjoni ta’ Ġesù fit-Tempju – Il-Kandlora.

ĠESÙ HUWA D-DAWL TAGĦNA.

Inħalluh idawwal il-Passi kollha ta’ ħajjitna.

Ikollna l-quddiesa filgħaxija bit-tberik tax-xemgħat, simboli tad-dawl li jagħtina l-Mulej.

IMPORTANTI. L-adorazzjoni tkun fil-Knisja parrokkjali.

L-ISTRINA TAL-MADONNA

Marbuta mal-festa tal-Kandlora, kull sena ssir il-ġabra b’risq il-knisja tagħna, it-tempju għażiż fir-raħal tagħna li fih aħna niltaqgħu flimkien biex niċċelebraw il-fidi tagħna u niltaqgħu ma’ Alla u ma’ Ommna Marija Lawretana, patruna tagħna.

Din is-sena, din il-ġabra ser tkun għall-proġett tal-orgni. Nirringrazzjaw lil dawk kollha li diġa taw l-offerta tagħhom s’issa għal dan il-proġett.

L-envelopes ser jitqassmu mal-bullettin tal-ġimgħa d-dieħla.  Inħeġġukom tgħinu f’dan il-proġett kif tistgħu. Il-voluntiera ser jiġbru l-envelop wara t-2 ta’ Frar u titqassam ukoll ix-xemgħa tal-kandlora.

SANTA RITA – ĦAMISIJIET

Ikomplu l-Ħamis li ġej għand is-Sorijiet Agostinjani Għajnsielem. Nibdew fil-5.30pm.

L-EWWEL SIBT TAX-XAHAR – nhar is-Sibt 3 ta’ Frar. Adorazzjoni fil-knisja l-qadima tkun mit-8.30am sa nofsinhar. Il-quddiesa tkun fil-5pm (mhux fl-4pm) u wara tkompli l-adorazzjoni sad-9pm.

OFFERTI GĦALL-BULLETTIN

  • Katrina Sammut u l-familja joffru €30 għall-ispejjeż tal-bullettin b’suffraġju ta’ Francis Sammut f’għeluq il-ħmistax-il sena mill-mewt tiegħu fl-1 ta’ Frar.
  • Luke Grech joffri €50 għall-ispejjeż tal-bullettin b’suffraġju ta’ Loreta u Frenċu Grech fl-anniversarju tal-mewt tagħhom u għal ruħ Tony Borg.
  • Miriam Buttigieg u l-familja joffru €20 għall-ispejjeż tal-bullettin b’suffraġju tal-mejtin tal-familja Buttigieg.

Mulej agħtihom il-mistrieħ ta’ dejjem.

IL-PROĠETT TAL-ORGNI

Triq twila imma naslu żgur kif wasalna f’tant proġetti kbar oħra

¿NINVESTU fuq proġetti li jibqgħu għal ta’ warajna kif għamlu ta’ qabilna.

Tista’ tagħti offerta billi tisponsorja kanna mill-2700 li ser ikun fih – investiment kbir għall-knisja u r-raħal tagħna.

KANEN hemm tal-€250, €200, €150 u €100 u ta’ €50, €25 u €10. Kull offerta hija apprezzata ħafna.

GRAZZI KBIRA MILL-QALB: €250 – Toni u Connie Galea; Ganni u Maria Azzopardi; Loreto u Loreta Galea; Marcell Mizzi; Lina Galea; Loreto Haber; €200 – 2NN;  €50 – Rosina Azzopardi; Karmena; Marija Vella; NN; NN Triq Għajnsielem; €100 – Karmena Camilleri, Familja Spiteri; NN; Ursula Azzopardi. €25 Marilise Vella u Nathan Vella (mill-pocket money tagħhom).

John u Pauline Vella-€1000;   Familja Grech-€1000.

Kien hemm għotjiet oħra li jidhru f’ħarġa oħra. Grazzi tassew.

Il-Kummissarjat tal-Art Imqaddsa

Grazzi mill-qalb lill-parroċċa għall-offerta sabiħa ta’ €962.53 li saret b’risq il-missjoni tagħhom fil-quddies tal-weekend li għadda.

TOMBLA Il-Ġimgħa 2 ta’ Frar fiċ-Ċentru Sant’Antnin fis-7.30pm b’risq l-istess ċentru.

NAGĦTU D-DEMM  – Fid-Dipartiment tal-Outpatients fl-Isptar Ġenerali t’Għawdex it-Tlieta 30 ta’ Jannar mis-1pm sal-5pm.

Bolol u Kartolini għall-Missjoni

Ġibuhom il-knisja u poġġuhom fil-kaxxi apposta fejn kien hemm is-siġra tal-milied. Grazzi.

INTENZJONIJIET QUDDIES-KNISJA PARROKKJALI

Min għadu jixtieq jordna intenzjonijiet ta’ quddies fil-Knisja Parrokkjali għax-xhur April-Ġunju 2018, jista’ jagħmel dan fl-uffiċċju Parrokkjali tul din il-ġimgħa.

ILQA’ FI ĦDANEK MULEJ lil oħtna Jane Vella li inti sejjaħtilha għal għandek minn ħdan il-parroċċa tagħna nhar il-21 ta’ Jannar.

Agħtiha Mulej il-mistrieħ ta’ dejjem.

PARROĊĊA MADONNA TA’ LORETO-GĦAJNSIELEM

Dar Parrokkjali      21554615         Arċipriet 79710784 

Ċentru Parr. 21561030   Radju Lauretana 21566965 http://www.radjulauretana.com/parish

 

Bullettin 21 ta’ Jannar 2018

Mill-Kelma tal-Papa    FRANĠISKU

Il-beatitudnijiet ma jitnisslux minn atteġġjamenti ta’ kritika faċli u lanqas mid-“diskorsi vojta u rħas” ta’ min jaħseb li jaf kollox imma ma jrid jimpenja ruħu ma’ xejn u ma’ ħadd.

Il-beatitudnijiet jitwieldu mill-qalb ħanina li ma tegħja qatt tittama. Meta Ġesù jsejjaħ hieni lill-fqir, lil min beka, lill-maħqur, lill-batut, lil min ħafer…, jiġi jaqla’ mill-waqfien paralizzanti lil min jemmen li l-affarijiet ma jistgħux jinbidlu, lil min waqaf jemmen fis-setgħa ta’ Alla l-Missier li tista’ tbiddel kollox, kif ukoll f’ħutu, speċjalment f’ħutu l-iżjed dgħajfa, f’ħutu mormija. Meta jxandar il-beatitudnijiet, Ġesù jiġi jċaqlaqna minn dik il-qagħda negattiva msejħa rassenjazzjoni li ġġagħalna nemmnu li nistgħu ngħixu aħjar jekk naħarbu l-problemi, jekk naħarbu mill-oħrajn, jekk ninħbew jew ningħalqu fil-kumditajiet tagħna, jekk jeħodna n-ngħas tal-konsumiżmu trankwilizzanti. Dik ir-rassenjazzjoni li twassalna biex niżolaw ruħna minn kulħadd, biex ninqasmu, biex ninfirdu, biex nagħlqu għajnejna quddiem il-ħajja u quddiem it-tbatija tal-oħrajn.

Il-beatitudnijiet huma dak il-jum ġdid għal dawk kollha li jkomplu jirriskjaw għall-futur tagħhom, li jkomplu joħolmu, li jkomplu jħallu lill-Ispirtu s-Santu jmisshom u jimbuttahom. Niżirgħu l-paċi billi nkunu proxxmu, inkunu qrib! Billi noħorġu mid-dar u nosservaw l-uċuħ, noħorġu niltaqgħu ma’ min jinsab f’diffikultà, ma’ min ma ġiex ittrattat bħala persuna, bħala iben denn ta’ din l-art. Dan hu l-uniku mod li għandna biex ninsġu futur ta’ sliem… Il-bennej tal-paċi jaf li ħafna drabi trid tegħleb mentalitajiet foqra u ambizzjonijiet kbar jew sottili, li jiġu mill-pretensjoni li wieħed jikber u “jagħmel isem”, li jikseb prestiġju minn fuq dahar ħaddieħor. Il-bini tal-paċi hu proċess li jiġborna mill-ġdid flimkien u jqanqal il-kreattività tagħna biex inwettqu relazzjonijiet li kapaċi jaraw f’min hu qrib tagħna mhux xi ħadd barrani, li ma jafu ħadd, imma iben ta’ din l-art. Nafdaw f’idejn il-Verġni. Ħa tgħinna hi ngħixu u nixtiequ l-ispirtu tal-beatitudnijiet; sakemm fl-irkejjen kollha ta’ din il-belt tinstema’ bħal kelma minn taħt l-ilsien: “Henjin dawk li jġibu l-paċi, għax huma jissejħu wlied Alla”.

(VJAĠĠ APPOSTOLIKU TAL-QDUSIJA TIEGĦU FRANĠISKU FIĊ-ĊILÌ U L-PERÙ. QUDDIESA GĦALL-PAĊI U L-ĠUSTIZZJA. It-Tlieta 16 ta’ Jannar 2018)

Fih Ngħixu, Nitħarrku u Aħna 

Atti 17, 2

ĠIMGĦA TAL-AZZJONI KATTOLIKA

Tibda l-Ħadd, 21 ta’ Jannar 2018 bil-quddiesa tat-8am. ARAW IL-PROGRAMM FUQ IL-BULLETTIN TAL-ĠIMGĦA L-OĦRA. Il-programm hu miftuħ għal kulħadd.

Il-Ħamis, 25 ta’ Jannar 2018

Attivita’ b’tombla organizzata mill-A.K. fid-Dar Ċentrali tar-Rabat. Trasport fit-8.30am.

JUM IL-MISSJONI FL-ART IMQADDSA

Is-Sibt u l-Ħadd 20 u 21 ta’ Jannar, 2018.

Niftakru f’ħutna l-insara tal-Art Imqaddsa u fil-Missjoni Franġiskana fl-art ta’ Ġesù. Il-ġbir fil-quddies kollu tas-Sibt filgħaxija u tal-Ħadd ikun għal din il-missjoni.

SANTA RITA – ĦAMISIJIET

Jibdew il-Ħamis li ġej għand is-Sorijiet Agostinjani Għajnsielem. 5.30pm Rużarju, Kurunella, barka sagramentali u quddiesa bil-ħsieb fuq Santa Rita.

NOFS TA’ NHAR GĦAN-NISA KOLLHA

Ser isir nofs ta’ nhar għan-nisa kollha l-Erbgħa 24 ta’ Jannar f’Lourdes Home mid-9am sa 12pm. Ikun hemm qrar, quddiesa minn Fr Joe Xerri, kafe’ u tombla.

Bolol u Kartolini għall-Missjoni

Ġibuhom il-knisja u poġġuhom fil-kaxxi apposta fejn kien hemm is-siġra tal-milied. Grazzi.

OFFERTI GĦALL-BULLETTIN

  • Ġuża u Fredu Ciangura joffru €20 għall-bullettin b’suffraġju ta’ ommhom Mananni f’għeluq id-disa’ snin mill-mewt tagħha fit-22 ta’ Jannar u għal ruħ ta’ missierhom Mikieli u oħthom Marija Azzopardi.
  • Carmen Scicluna toffri $50 b’suffraġju tal-għażiż żewġha Anthony f’għeluq is-sitta u għoxrin sena minn mewtu fil-25 ta’ Jannar.
  • Theresa Grech u l-Familja joffru €20 għall-bullettin b’suffraġju tal-għażiż tagħhom Peter Paul Grech f’għeluq il-ħmistax-il sena mill-mewt tiegħu fil-25 ta’ Jannar.
  • Louise u Sammy Pace joffru €20 għall-bullettin b’suffraġju ta’ Salvu Magro f’għeluq ix-xahar mill-mewt tiegħu li ġrat fit-23 ta’ Diċembru.

Mulej agħtihom il-mistrieħ ta’ dejjem.

INTENZJONIJIET QUDDIES-KNISJA PARROKKJALI

Min jixtieq jornda intenzjonijiet ta’ quddies fil-Knisja Parrokkjali għax-xhur April, Mejju, Ġunju 2018 jista’ jagħmel dan fl-uffiċċju Parrokkjali nhar ta’ Tlieta jew Ħamis bejn id-9am u nofsinhar.

MILL-ISKOLA PRIMARJA GĦAJNSIELEM

Il-kap tal-iskola ta’ Għajnsielem tavża li min jixtieq jirreġistra lit-tfal għas-sena skolastika 2018-2019 jista’ jiġbor applikazzjoni mill-iskola mhux aktar tard mill-aħħar ta’ Jannar. Jistgħu jinkitbu t-tfal li se jagħlqu tliet snin sal-aħħar t’April, 2019.

NAGĦTU D-DEMM

Id-Dipartiment tal-Outpatients fl-Isptar Ġenerali t’Għawdex il-Ħadd 21 ta’ Jannar ser ikun disponibbli għad-donazzjonijiet tad-demm mit-8am sas-1pm.

KONFERENZA għall-FAMILJA

Iż-Żgħażagħ, ix-xorb u d-droga.  X’tista’ tagħmel il-familja?organizzata mill-Kummissjoni Familja. Kelliem prinċipali – Dr. Charlie Azzopardi, family therapist. Is-Sibt 20 ta’ Jannar, fil-5.00pm fis-Sala Villa Fiorita (Marsalforn). Ikun hemm min jieħu ħsieb it-tfal.

IL-PROĠETT TAL-ORGNI

L-iskema – ħallas kanna/pipe sponsor

Tista’ tagħti offerta biex tisponsorja kanna mill-ħafna li ser ikun fih l-orgni.

KANEN KBAR hemm tal-€250, €200, €150 u €100. Hemm ukoll ta’ €50, €25 u €10.

Kull offerta hija apprezzata ħafna.

GRAZZI MILL-QALB:

Francis Rapa €50, Carmen Camilleri €250, NN €50, NN€50, NN250, Marija u Frencu Xuereb €250, Familja NN Triq Ħamri €1000, L-aħwa Galea Pjazza Madonna ta’ Loreto €250, NN€1000, Vanessa u Michael Xiberras €100,

Tomas u Blake Xiberras (mill-pocket money tagħhom €10 kull wieħed). Prosit u Grazzi Kbira lil Kulħadd.

Aktar donazzjonijiet fuq Lauretana Newsletter.

 

Bullettin 14 ta’ Jannar 2018

Mill-Kelma tal-Papa    

FRANĠISKU

“Intom ġibtu hawn lil uliedkom għall-Magħmudija, u dan hu l-ewwel pass f’dik il-ħidma li għandkom, il-missjoni tat-trasmissjoni tal-fidi.

Imma aħna għandna bżonn tal-Ispirtu s-Santu biex ngħaddu l-fidi, waħedna ma nistgħux. Li tgħaddi l-fidi hi grazzja tal-Ispirtu s-Santu, il-possibbiltà li tgħaddiha; hu għalhekk li intom ġibtu hawn lil uliedkom, biex jirċievu l-Ispirtu s-Santu, jirċievu t-Trinità – il-Missier, l-Iben u l-Ispirtu s-Santu – li se jgħammar fi qlubhom.

Nixtieq ngħidilkom ħaġa waħda biss, li tolqot lilkom:

it-trasmissjoni tal-fidi tista’ ssir biss “bid-djalett”, bid-djalett tal-familja, bid-djalett tal-papà u l-mamà, tan-nannu u n-nanna. Imbagħad wara jidħlu l-katekisti biex jiżviluppaw din l-ewwel trasmissjoni, b’ideat, bi spjegazzjonijiet… Imma tinsewhx dan: issir “bid-djalett”, u jekk jonqos id-djalett, jekk id-dar bejn il-ġenituri ma tiġix mitkellma dik il-lingwa tal-imħabba, it-trasmissjoni ma tkunx tant faċli, ma tkunx tista’ ssir. Tinsewx. Il-ħidma tagħkom hi li tgħaddu l-fidi, imma dan tagħmluh bid-djalett tal-imħabba tad-dar tagħkom, tal-familja.

Anki huma [it-tfal] għandhom id-“djalett” tagħhom, u nagħmlu sew nisimgħuh!

Issa qegħdin kollha kwieti, imma biżżejjed li wieħed jintona u mbagħad issegwi l-orkestra! Id-djalett tat-trabi! U Ġesù jgħidilna biex inkunu bħalhom, biex nitkellmu bħalhom. Ma rridux ninsewha din il-lingwa tat-trabi, li jitkellmu kif jistgħu, imma hi l-lingwa li tant togħġob lil Ġesù.

U fit-talb tagħkom kunu sempliċi bħalhom, għidu lil Ġesù dak li ġej minn qalbkom kif jgħiduh huma. Issa jgħiduh bil-biki, iva, kif jagħmlu t-trabi. Id-djalett tal-ġenituri li hu l-imħabba li tgħaddi l-fidi, u d-djalett tat-trabi li għandu jiġi milqugħ mill-ġenituri biex jikbru fil-fidi…..”

(Mill-Omelija tal-Q.T. il-Papa Franġisku nhar il-Festa tal-Magħmudija tal-Mulej waqt iċ-ċelebrazzjoni tal-quddiesa u l-Magħmudija ta’ xi trabi fil-Kappella Sistina, Il-Ħadd 7 ta’ Jannar 2018)

Fih Ngħixu, Nitħarrku u Aħna 

Atti 17, 2

Bolol u Kartolini għall-Missjoni

Ġibuhom il-knisja u poġġuhom fil-kaxxi apposta fejn kien hemm is-siġra tal-milied.

ĠIMGĦA TAL-AZZJONI KATTOLIKA

Iladd, 21 ta’ Jannar 2018

Tiftaħ il-ġimgħa b’quddiesa fit-8am fil-parroċċa. Huwa mistieden kulħadd, b’mod speċjali l-membri kollha kemm nisa’ u irġiel tal-Azzjoni Kattolika.

It-Tnejn, 22 ta’ Jannar 2018

Laqgħa għall-irġiel wara l-quddiesa ta’ filgħaxija. Mistieden l-Ass. Ekk. Dun Noel Saliba.

It-Tlieta, 23 ta’ Jannar 2018

Irtir tal-Azzjoni Kattolika għand is-Sorijiet Agostinjani

8:30am Qrar u fid-9.00am Salmi u l-ewwel talk

10.00am Waqfa għall-kafe’

10:30am It-tieni talk u wara ħin għal diskussjoni

11:30am Quddiesa

12.00pm Ikel

1:30pm Siegħa adorazzjoni bir-rużarju, Barka u għeluq

Għal min jixtieq jiekol magħna f’din il-ġurnata, il-ħlas huwa ta’ €10 (kafe’ inkluż), filwaqt li dawk li jixtiequ jieħdu kafe’ biss, il-ħlas huwa dak ta’ €2. Biex tibbukkja għall-ikel, ċemplu fuq 21553470 jew 79909199 lil Antonia Xerri. Żmien sal-Ħadd, 21 ta’ Jannar 2018.

L-Erbgħa, 24 ta’ Jannar 2018               

Żjarat lill-morda u lill-anzjani, kemm fir raħal tagħna kif ukoll dawk li jinsabu fi sptarijiet jew fi djar tal-anzjani.

Il-Ħamis, 25 ta’ Jannar 2018        

Attivita’ b’tombla organizzata mill-A.K. fid-Dar Ċentrali tar-Rabat. Kulħadd huwa mistieden.

Għall-biljetti: 21553470/79909199 – Antonia Xerri.

Il-Ġimgħa, 26 ta’ Jannar 2018

3:30pm Adorazzjoni fil-Knisja l-Qadima mill-Ass. Ekk. Dun Noel Saliba

4:00pm Rużarju, tesserament u barka sagramentali

4:30pm Quddiesa

OFFERTA GĦALL-BULLETTIN

Il-familji Galea u Azzopardi joffru €20 għall-ispejjeż tal-bullettin b’suffraġju ta’ Carmelo Galea f’għeluq il-21 anniversarju mill-mewt tiegħu fis-16 ta’ Jannar.

Agħtih O Mulej il-mistrieħ ta’ dejjem.

JUM IL-MISSJONI FL-ART IMQADDSA

Is-Sibt u l-Ħadd 20 u 21 ta’ Jannar, 2018

LAQGĦA għall-Istudenti bi tħejjija  għal-Griżma tal-Isqof.            Nhar l-Erbgħa 17 ta’ Jannar,

fiċ-Ċentru Parrokkjali. 6.30-7pm.

EURO COLLECTION

Dan il-weekend il-ġbir fil-knisja parrokkjali jkun għall-festa 2018. Inkunu ġenerużi bħal dejjem.

NAGĦTU D-DEMM

Id-Dipartiment tal-Outpatients fl-Isptar Ġenerali t’Għawdex it-Tlieta 16 ta’ Jannar ser ikun disponibbli għad-donazzjonijiet tad-demm mis-1pm sal-5pm.

KONFERENZA għall-FAMILJA

Iż-Żgħażagħ, ix-xorb u d-droga.  X’tista’ tagħmel il-familja?organizzata mill-Kummissjoni Familja. Kelliem prinċipali – Dr. Charlie Azzopardi, family therapist. Is-Sibt 20 ta’ Jannar,

fil-5.00pm fis-Sala Villa Fiorita (Marsalforn)

Ġenituri u carers ta’ adoloxxenti u żgħażagħ ħudu nota. Ikun hemm min jieħu ħsieb it-tfal.

ĦARĠA VALLETTA 2018

Il-Kunsill Lokali ser jorganizza ħarġa għall-Belt Valletta l-Ġimgħa 19 ta’ Jannar. Tluq mill-pjazza fis-7.30am. Inżuru s-suq tal-Belt, il-Kunvent ta’ Sant Wistin u jkun hemm ħin liberu. Lura mal-vapur tat-3pm. Prezz b’xejn. Inkitbu l-Kunsill Lokali jew ċemplu 21561515.

IL-PROĠETT TAL-ORGNI

L-iskema – ħallas kanna/pipe sponsor

Tista’ tagħti offerta biex tisponsorja kanna mill-ħafna li ser ikun fih l-orgni.

KANEN KBAR hemm tal-€250, €200, €150 u €100. Hemm ukoll ta’ €50, €25 u €10.

Kull offerta hija apprezzata ħafna.

GRAZZI MILL-QALB: Charlie Portelli  €250 u NN. €250; Familja Debattista – €200;NN. €40.

Arċipriet D.Frankie Bajada u l-familja: 1 ta’ €250 u 15 tal-€50.

 

Bullettin 6 ta’ Jannar 2018

L-Epifanija tal-Mulej

ID-DAWL TAL-KEWKBA

It-twelid ta’ Ġesù Bambin kien mument ta’ ferħ mhux magħruf għall-umanità kollha sakemm il-kewkba indikat dan il-mument u lokalità lill-Maġi li ġew ifittxu lil Ġesù minn diversi lokalitajiet.

Minkejja tant tfixkil, baqgħu jfittxu sakemm sabu lil Ġesù.  Ħafna drabi fil-ħajja tagħna, minkejja tant dwal ta’ grazzja li jagħtina l-Mulej, naqtgħu qalbna malajr quddiem l-iċken tfixkil u malajr indawru wiċċna ’l bogħod minn Ġesù.  Il-Maġi ma għamlux hekk!  Baqgħu jfittxu lil Ġesù sakemm sabuh u ppreżentaw ir-rigali taghhom:  deheb – inċens – mirra.  It-tfittxija temmewha bil-laqgħa ma’ Ġesù li bidilhom. “Imtlew b’ferħ kbir tassew.”

Fil-Vanġelu ta’ din il-festa San Mattew jagħtina r-rakkont taż-Żjara tal-Maġi li ġew mil-Lvant biex jagħtu qima lill-Mulej.

  • Kemm qed nagħmlu minn ħajjitna tfittxija serja għal Ġesù?
  • Qed inħarsu b’kuraġġ jew naqtgħu qalbna malajr mal-ewwel tfixkil li nsibu fit-triq tagħna?
  • Infittxu li jkollna aktar mumenti fil-ħajja tagħna li fihom naduraw lil Ġesù!
  • X’tip ta’ rigali qed noffru lil Ġesù?

Fil-jum tal-Epifanija ejjew inwiegħdu lil Ġesù li se nagħtu xhieda akbar tiegħu fil-jiem ta’ ħajjitna.

Mulej, inti li wrejt lilek innifsek lill-ġnus kollha,

agħmel li fiċ-ċokon tiegħi

nagħti xhieda tiegħek lil ta’ madwari.

KONFERENZA IMPORTANTI u INTERESSANTISSIMA

Il-Kummissjoni Familja qed torganizza konferenza importanti bis-suġġett: Iż-Żgħażagħ, ix-xorb u d-droga.  X’tista’ tagħmel il-familja?. Il-kelliem prinċipali ser ikun Dr. Charlie Azzopardi, family therapist b’esperjenza kbira ma’ żgħażagħ u familji bi problemi ta’ xorb u droga. Il-Konferenza ser issir nhar is-Sibt 20 ta’ Jannar, fis-Sala Villa Fiorita (Marsalforn) u tibda fil-5.00pm.  Inħeġġu lill-ġenituri u carers ta’ adoloxxenti u żgħażagħ biex jattendu. Ikun hemm min jieħu ħsieb it-tfal.

WARA L-FESTI TAL-MILIED

GRAZZI u PROSIT

  • Lil dawk kollha li ħadmu bla heda biex tiżżejjen il-knisja – ġewwa u barra, u biex tellajna tant attivitajiet matul dawn il-ġranet sbieħ.
  • Lis-Soċji tal-Museum kollha u lill-katekisti li bis-sehem kbir tagħhom stajna nagħmlu novena verament sabiħa u tant attivitajiet għat-tfal tagħna fl-oqsma tad-duttrina u fiċ-Ċentru Parrokkjali.
  • Lill-istudenti ta’ form 2 u dawk li ħadmu u tawna oġġetti biex, għal sena oħra, għamilna l-christmas tree ekoloġika fuq iz-zuntier tal-knisja.
  • Lill-voluntiera kollha li jieħdu ħsieb il-knisja parrokkjali u l-qadima, it-tindif ta’ dawn iż-żewġ knejjes u l-fundraising meħtieġ.

NERĠGĦU GĦALL-ĦIDMA ORDINARJA

Mill-ġimgħa d-dieħla, it-tfal jerġgħu jirritornaw fuq il-bankijiet tal-iskola, u nerġgħu naqbdu r-ritmi ordinarji ta’ kuljum. Id-Duttrina, laqgħat tal-adoloxxenti, laqgħat tal-kbar, formazzjoni tal-għarajjes, kollox  jerġa’ jirranka.

GĦALHEKK inħeġġu lil kulħadd biex mill-ġdid nitħeġġu u natttendu għal-laqgħat.

GĦOTI TA’ DEMM

Id-Dipartiment tal-Outpatients fl-Isptar Ġenerali t’Għawdex il-Ħadd 7 ta’ Jannar ser ikun disponibbli għad-donazzjonijiet tad-demm mit-8am sas-1pm.

ĠIMGĦA TAL-AZZJONI KATTOLIKA

Din ser tibda t-Tnejn 21 ta’ Jannar. L-attivitajiet li jsiru matul din il-ġimgħa huma, fil-biċċa l-kbira tagħhom għal kulħadd. Għalhekk kulħadd huwa mistieden biex jieħu sehem. Programm dettaljat jingħata fil-bullettin tal-ġimgħa d-dieħla.

OFFERTA GĦALL-BULLETTIN

Gużeppa Grech u wliedha joffru €20 għall-ispejjeż tal-bullettin b’suffraġju ta’ Karmenu Grech f’għeluq l-ewwel anniversarju mill-mewt tiegħu fit-2 ta’ Jannar.

Agħtih O Mulej il-mistrieħ ta’ dejjem.

Fih Ngħixu, Nitħarrku u Aħna  

Atti 17, 28

RADJU LAURETANA  

L-iskeda tal-Milied tasal fi tmiemha l-Ħadd 7 ta’ Jannar 2018 wara 31 jum ta’ xandir.

Grazzi lil kull min kien involut. Grazzi tassew!!!

L-iskeda li jmiss tkun dik tal-Għid u tibda s-Sibt 17 ta’ Marzu 2018.

GRAZZI MILL-QALB

NN €50 b’ringrazzjament lill-Madonna.

Offerta lill-Madonna ta’ Loreto – NN Triq Mġarr €100.

Loreta Zerafa – Fundraising Dundjan – €100.

Familji Mifsud u Azzopardi – Fundraising Hamper għall-abbatini €80.

IL-PROĠETT TAL-ORGNI

– NAGĦTUH SPINTA

Fl-ikla tal-parroċċa li saret nhar l-Erbgħa li għaddiet, ġie varat il-proġett tal-orgni għall-knisja tagħna. Matul din is-sena ser ikollna diversi inizzjattivi biex niġbru l-fondi għal dan il-proġett, opra oħra li tkompli ssebbaħ il-knisja tagħna u ċ-ċelebrazzjonijiet liturġiċi.

Ġiet imnedija l-iskemaħallas kanna/pipe sponsor. Aktar dettalji fuq il-posters fil-Knisja u fuq Lauretana Newsletter li se toħroġ dalwaqt.

ILQA’ FI ĦDANEK MULEJ

  • Ilqa’ fi ħdanek O Ħanin Ġesu’ lir-ruħ għażiża ta’ Salvu Magro li mar jiltaqa’ mal-Ħallieq fit-23 ta’ Diċembru fl-għomor ta’ 77 sena.
  • Ilqa’ fi ħdanek O Ġesu’ ir-ruħ għażiża ta’ Daniel Saliba li għadda għall-ħajja ta’ dejjem fil-25 ta’ Diċembru 2017 fl-età ta’ 34 sena.
  • Ilqa’ Missier Ħanin lir-ruħ għażiża ta’ Rose Gauci li ħalliet din il-ħajja fit-2 ta’ Jannar fl-età ta’ 71 sena.

Agħtihom O Mulej il-mistrieħ ta’ dejjem.